B.3.5 Zure ibilbide profesionalean lagunduko dizugu – CIFP San Jorge LHII

Lanean ikastea: ikas-ekinezko erregimeneko LH duala

Zer da ikas-ekinezko erregimeneko lanbide-heziketa duala?

Lanbide-heziketa dualeko programek LHko ikastetxe batean eta enpresa laguntzaile batean  ematen den prestakuntza konbinatzen dute
LH Dualean bi eredu daude:

  • 2 urteko planak: ikasleek heziketa-zikloan eskuratzen dituzten gaitasunak indartzeko.
  • 3 urteko planak: ekoizpen-sarearen beharrei erantzungo dien espezializazioa lortzeko.

Ikaskuntza-prozesua modu paraleloan gara daiteke LHko ikastetxean eta enpresan, edo egonaldiak txandakatuz. Ikasleak lantokira bakarrik joaten diren aldietan, lanaldia ezin da astean 40 ordutik gorakoa izan. Ikasleen eta enpresaren artean ezartzen den harremana kontratuzkoa (prestakuntzarako eta ikaskuntzarako kontratua) edo beken bidezkoa izan daiteke.

Balio erantsia ikasleentzat

  • Benetako lan-egoeretan esperientzia hartzen ikastea.
  • Lan-denboraren araberako ordainsaria jasotzea, kontratuaren edo hitzarmenaren arabera, eta lan-bizitza hastea Gizarte Segurantzan kotizatzen.
  • Enplegagarritasuna hobetzen du.
  • 2.600 pertsonek parte hartzen dute dagoeneko LH Dualean. Enpresak ikasleen % 90 baino gehiago kontratatzen ditu.

Ikasle gisa parte hartzeko baldintzak

  • Lanbide Heziketako ziklo batean matrikulatuta egotea eta 1. maila gainditzea
  • Ikasteko prestakuntza-kontratuaren modalitatean, 30 urtetik beherakoak izan beharko dute (25 urtetik beherakoak, langabezia-tasa % 15etik beherakoa bada).
  • Bekaren modalitatean ez dago adin-mugarik, ordainsari-maila berberak ditu eta Gizarte Segurantzan kotizatzen du.

Balio erantsia enpresentzat

  • Enpresen lehiakortasuna areagotzen du: ekoizpen-ehunaren errealitatera egokitutako forma profesionalak.
  • Bide bikaina da enpresetan profesionalak sartzeko. Alde batetik, bere trebakuntzan esku hartzeak kultura korporatiboan txertatzeko prozesua optimizatzen du. Bestetik, belaunaldien arteko erreleboa errazten du.
  • Kontratu-modalitateak pizgarri ekonomikoak jasotzen ditu:
    • Lanbideren diru-laguntza.
    • Enpresek Gizarte Segurantzari ordaindu beharreko kuoten % 100era arteko murrizketa.
  • Esparru akademikoarekin konektatzeko aukera ematen du, eta horrek lan-indarrari buruzko ezagutzak eguneratzeko bide bat izan daiteke.
  • 1.400 enpresa baino gehiago dira parte-hartzaile.
  •  Enpresen asebetetze-maila % 95koa da.
  •  % 90 ikasle baino gehiago kontratatuak dira.

Enpresa moduan jarraitu beharreko urratsak

Ikas-ekinezko erregimeneko Lanbide Heziketa dualaren ereduan interesa duten enpresek gure ikastetxearekin harremanetan jarri beharko dute, eta parte hartzeko interesa dutela jakinarazi. Une horretatik aurrera, honako prozesu hau hasiko da:

www.fpeuskadidual.eus

Euskadiko ikas-ekinezko erregimeneko Lanbide Heziketa dualaren Gida [deskargatu pdf]